LAKS FRÅ SOLUND
Ei dynamisk og spanande næring med vilje til å skape verdiar for lokalsamfunnet.
06.06.2024: Sulefisk Holding AS og Sulefisk AS
Berekraftig næring
Dei kystnære områda utgjer eit stort potensial for produksjon av sjømat. Det er viktig at denne produksjonen skjer innanfor kva miljøet tåler. Samstundes må ein ikkje gløyme at fisken er levande skjøre skapningar. Sulefisk AS jobbar kontinuerlig for å oppretthalde ei berekraftig og sunn utvikling i selskapet.
Fiskevelferd
Sulefisk legg stor vekt på god fiskevelferd. Med undervasskamera i alle merdene på dei fem lokalitetane til Sulefisk, har vi moglegheit til å overvåke fisken vår 24 timar i døgnet. Kamera har innebygde sensorar som måler temperatur og oksygenmetning i merda.
Smoltproduksjon
Frisk og livskraftig settefisk er grunnlaget for eit vellykka produksjonsresultat av matfisken. Smoltproduksjon er ein spanande prosess som krev mykje kunnskap både innan teknologi og biologi. Sol Smolt AS leverer jamnt over heile sin smoltproduksjon til Sulefisk sine matfiskanlegg.
Laks frå Solund
Det er ikkje til å legge skjul på at vi i Sulefisk er svært stolte av sluttproduktet vårt og at laks i våre auge er noko av den edlaste råvara du kan nytte i matlaging. Likevel er det så mykje meir vi er stolte av i verksemda vår og som er viktige satsingsområde for oss som lokal næringsaktør
Vi er stolte av å bidra til samfunnsutvikling gjennom finansiell støtte til lag og organisasjonar, samt samarbeide med kommunen om ulike prosjekt og arrangement. Men mest av alt er vi stolte av å skape grunnlag for folk å busette i Solund gjennom å tilby attraktive og gode arbeidsplassar.
For Sulefisk handlar rolla som «lokal næringsaktør» i Solund om mykje meir enn å produsere laks og maksimere profitt. Det handlar om å bidra til å skape eit levande samfunn med eit mangfald av menneske, aktivitetar og tilbod. Eit samfunn som det er godt å bu i og som ungdommen og barna våre har lyst å busette seg i når dei sjølv veks til.
Åpenhetsloven
Åpenhetsloven av 01.07.2022 skal fremje verksemder si respekt for grunnleggande menneskerettar og anstendige arbeidsforhold i forbindelse med produksjon og levering av tenester.
Sulefisk er omfatta av Åpenhetsloven etter § 3 bokstav a nr 1 og 2. og er såleis forplikta til å kartlegge leverandørkjeda si med omsyn til mellom anna menneskerettar og anstendige arbeidsforhold. Vi skal utføre aktsomhetsvurderinger (due diligence) i tråd med OECD sine retningslinjer for fleirnasjonale selskap.
Nedlasting
