Innovasjon

Sulefisk har i ei årrekke utpeika seg, både nasjonalt og internasjonalt, som ei innovativ bedrift som stadig jobbar for gode, berekraftig løysingar.

Lukka produksjon – Ecomerden

Sulefisk AS fekk 04.07.14 tildelt løyve SF-SU 38. Konsesjonen vart tildelt i gruppe C ved tildeling av grøne konsesjonar. Sulefisk sine målsetjingar om å finne løysingar som i vesentleg grad kan bidra i kampen mot lakselus og redusere risiko for at akvakulturproduksjon vil påverke vill laksefisk som følgje av rømming, var tydeleg i samsvar med Forskrift om tildeling av løyve til havbruk med matfisk av laks, aure og regnbogeaure i sjøvatn i 2013 § 14 2. ledd.
Målsetjing med produksjon i lukka merd (type: Ecomerden) er å produsere postsmolt fram til fisken veg minst 1 kg. Deretter vert fisken sett ut i open merd med luseskjørt. På denne måten vil fisken få lågare lusepåslag og færre lusebehandlingar.

Sjøvatnet til Ecomerden vert pumpa inn på 27 meter djup gjennom 4 sirkulasjonspumper. Totalt vert det pumpa 2 400 L per sekund og det tek litt over 30 minuttar å skifte ut heile volumet i merda. Dette innber god sirkulasjon og jamn temperatur for smolten. Målet er at ved å pumpe inn vatnet på 27 meters djup unngår ein overflatevatnet der luselarvar /-egg tradisjonelt ligg.
Ecomerden har også automatisk logging av O2 og temperatur, i tillegg er det kontinuerleg overvaking med alarmberedskap ved feilmeldingar / brot i systemet

Smolten kjem frå settefiskanlegget og vert sett ut i Ecomerden. Her vert den røkta på same måte som i tradisjonelle opne merdar fram til utsett i open merd. Stabilt merdmiljø gjev fisken ro i «startfasen» i sjø.

Laser

Sulefisk bruker Stingray lasersystem for optisk avlusing. Ved optisk avlusing av oppdrettslaks og ørret, kan fisken svømme uforstyrret rundt i sitt naturlige miljø mens den blir avluset. Dette inneber mindre handtering av fisken og dermed også mindre stress for fisken, ingen skadar på fisk eller miljø, ingen kjemikaler, samt redusert dødligheit av fisk.

Tare

Sulefisk har i ei årrekke drive med Integrert multitrofisk akvakultur (IMTA). Sidan 2011 har vi testa samlokalisert dyrking av tare og lakseproduksjon. Selskapet har to godkjente lokalitetar for taredyrking.

Tarenæringa i Noreg er i ein tidleg fase, og det er ei heil verdikjede som skal utviklast. Tare har eit potensialt breitt bruksområde og kan truleg vere ein del av framtidas mat. Den kan mellom anna nyttast som grønsak, som smaksforsterkar, som krydder i matlaging og som fiske- og dyrefòr. Moglegheita for økonomisk vinst frå taredyrking er reell, men der er òg kostnader knytt til produksjon og transport. Samstundes er krava til tareproduksjon for matbruk strenge, då taren kan innehalde uheldige nivå av diverse tungmetall.

Kunnskap knytt til miljøeffekten av taredyrking er framleis avgrensa, men mogelege positive og negative påverknader har vore påpeika. Til dømes er det sannsynleg at taren kan m.a. bidra til å ta opp både karbondioksid og overflødige næringsstoff frå det marine miljøet. Samstundes kan tenkast at taredyrking aukar konkurransen for vekstressursar som lys og oksygen.

For Sulefisk var ei sentral målsetjing med taredyrking å sjå om taren kunne fungere som ei barriere mot luselarvar inn i laksemerdane, samstundes som ein ville sjå om taren kunne gjere nytte av overflødig næringsstoff frå lakselokaliteten. Erfaringane våre tilseier at taren ikkje hindrar luselarvane å komme til på laksen. Samstundes ser vi at taren veks svært godt i samlokalisering med lakseoppdrettet vårt.

Pr. i dag dyrkar ikkje Sulefisk tare ved nokre av sine lokalitetar.

Innovasjon

Innovasjon

Lukka produksjon – Ecomerden

Laser

Tare

Sulefisk AS

Aktuelt

Sosiale mediar