Eit hav av moglegheiter
For Sulefisk er våre tilsette den absolutt viktigaste resursen vi har i selskapet.
Eit hav av moglegheiter
Sulefisk som arbeidsplass
For Sulefisk er våre tilsette den absolutt viktigaste resursen vi har i selskapet. Det er avgjerande for oss å vere ein god og trygg arbeidsplass for desse. Vi er ei mangfaldig kollegagruppe både med omsyn til yrke og nasjonalitet. Leiinga sit tett på produksjonen og samspelet er godt. I Sulefisk er kvar enkelt sitt ansvarsområde og innsats ein viktig del av ein heilskap som må fungere for at vi skal nå måla våre.
I tillegg til sterkt fokus på HMS internt har Sulefisk dei siste åra jobba målretta og kreativt for å ha gode arena for å utvikling av eit godt miljø i verksemda. Målet har vore å skape gode relasjonar gjennom fellesopplevingar og styrka lagfølelse.
Å arbeid som driftsteknikar / røktar i Sulefisk inneber ein variert arbeidskvardag. Viktige arbeidsoppgåver er fôring, båtføring, kontroll og ettersyn av laks, kontroll og vedlikehald av teknisk utstyr, anlegg og båtar i tillegg til oppfølging av bedrifta sitt kvalitetssystem.
Aktuelle kvalifikasjonar er:
- Biologisk / akvakulturrelatert utdanning eller relevant erfaring
- Teknisk / mekanisk utdanning eller relevant erfaring, interesse og forståing
- Fagbrev / høgre utdanning tel positivt, men ikkje eit krav
- D6 / D5 og sikkerhetskurs
- Erfaring frå sjøbasert oppdrett og/eller båt
- Gode samarbeidsevner, ansvarleg og påliteleg
- Godt humør, fleksibel, løysingsorientert og evne til å arbeide sjølvstendig
- Gode norsk kunnskapar, munnleg og skriftleg
Motivasjon, lidenskap og personlege eigenskapar kan vege meir enn faglege kvalifikasjonar dersom ein viser seg å vere «rett person» på Team Sulefisk!
Vi er stadig på utkikk etter «riktig» kompetanse og resursar til bedrifta og vurderer også åpne søknadar vi mottar utanom søknader på utlyste stillingar.
Lærling
Både Sulefisk (matfisk) og Sol Smolt (vår lokale settefiskleverandør) er godkjende lærebedrifter i akvakulturfaget. Vi er tilknytta Opplæringskontoret for fiskeri og havbruk (OKFH).
Det tette samarbeidet vi har mellom matfisk og settefisk gjev lærlingane våre ei unik moglegheit til å følgje fisken frå rogn til slakt og dermed tileigne seg kunnskap frå laksens ulike stadie og viktige arbeidsprosessar i praksis.
Vi har både vaksenlæringar og ordinære lærlingar i bedrifta.
Interessert?
Ta kontakt med OKFH eller direkte med Sulefisk på post@sulefisk.no
